Descripción
Mateo espertou asustado. Escoitara un ruído detrás da porta. Mirou cara alí, pero só viu unha sombra…Abriu moito os ollos, sen pestanexar, e a sombra transformouse nun…MONSTRO! Para superar os medos é preciso enfrontarse a eles, e iso é o que fai o protagonista deste conto. Despois dunha delirante sucesión de acontecementos na que o osiño, o can, o seu irmán e a súa tía non saen moi ben parados, Mateo é quen de encararse ao monstro e poñer a familia a salvo. Un álbum que combina o medo e o humor a partes iguais.