Descripción
No ano 1936, Nicasio, un mociño dunha aldea da Terra Chá, acode co seu pai a traballar como segador en Castela. Porén, ao pouco de chegar alí, foxe desa vida de braceiro. El quere coñecer a capital, o Madrid moderno. A cidade recibirao cunha morea de coruscantes estímulos (o cine, o circo, as figuras de Juan Ramón Jiménez e Zenobia Camprubí, o amor…), mais tamén con abafantes perigos, pois a guerra civil peta xa rabiosa nas portas da cidade. Todas esas referencias son pezas dun quebracabezas que Nico, o seu neto, teima agora en resolver.