Descripción
Todo o mundo sabe que non se pode alimentar os animais con mazarocas fulminadas por raio de lúa na noite de defuntos. Pero Bernaldo, cando ninguén o vía, botóullelas aos pitos que ían para o matadoiro. A partir de entón, aconteceron na vila cousas moi estrañas… O humor é a ferramenta máis útil para vencer o medo e sacarlles ferro aos temas difíciles, como a morte. Esta historia, delirante e irreverente, burla toda convención sobre a vida e o mundo do alén para mergullarnos nunha gargallada de inicio a fin. Unha surrealista aventura de zombis protagonizada pola comunidade avícola do lugar.